بعد جلوسه إلى جواري في سرفيس مزة جبل – كراجات، رنّ موبايله، فردّ الشاب: «أهلين بالغالي.. صاحب الأيادي البيضاء.. بشرفي أنت وعائلتك من أخيار الناس..». وتابع: «دائماً أقول: لو يوجد في هذا البلد مثلك، كنا غير هيك.. طول عمرك مفضّل وصاحب واجب.. عفكرة أنت متل ليرة الدهب، وقلبك متل التلج». (طبعاً هذه الاستعارات كانت تأتي مع كل ردّ على كلام المتصل».
أنهى حديثه: ع راسي يا غالي، بذمتي رح يكون إلك مستقبل نتيجة لإخلاصك وصدقك ووفاءك.. ونحنا معناها ع الموعد.أثارت تلك الصفات فضولي؛ كونها حقيقة لا تتوافر مجتمعة إلا في الأنبياء والقديسين. فسألته بشغف: دخلك مين هالشخصية الفريدة اللي عم تحكي معها؟ فقال وهو ينتهد: هاد واحد ابن حرام (مصفّي) إلي عليه مصاري، وعم يكذب عليّ من سنة.. فشو بدي أعمل؟ بدي إكذب عليه وسايرو.

